P-Square mu gitaramo cyo kwizihiza isabukuru y’imyaka 25 RPF imaze ishinzwe

Abahanzi b’impanga bakomoka muri Nigeria bitwa Peter na Paul Okoye bazwi cyane ku izina rya P-Square bazataramira Abanyarwanda kuwa Gatanu tariki ya 14 Ukuboza 2012 mu gitaramo cyo kwizihiza isabukuru y’imyaka 25 ya RPF Inkoranyi aho kwinjira bizaba ari ubuntu.
Arthur Asiimwe, umwe mu bategura iby’iki gitaramo yatangarije IGIHE ko byamaze kwemezwa ko iki gitaramo kizaba ari ubuntu ku muntu wese uzifuza kukizamo.
Ubwo twamubazaga niba koko igitaramo kizaba ari ubuntu yasubagize agira ati “Yego [igitaramo kizaba ari ubuntu].”
Aba bahanzi baheruka gupfusha nyina muri uyu mwaka. Uyu mwaka kandi P-Square basinye amasezerano n’inzu ikomeye itunganya ikanagurisha umuziki y’umuhanzi ukomoka muri Senegal Akon, banaheruka gukorana indirimbo yitwa “Chop My Money”.
Baheruka kandi no gukorana indirimbo yitwa "Beautiful Onyinye" n’umuraperi w’umunyamerika witwa Rick Ross. Izi ndirimbo zombi ebyiri zatumye aba basore batangira kugaragara mu ntonde z’indirimbo zikunzwe kuri Amerika.
Indirimbo nshya P-Square baheruka gusohora yitwa "Alingo", :