AFITE INKOMOKO MU RWANDA AKARUTA ABANYAMERIKA

Mu 2012 abagore b’aba ‘star’ birabura beza ku Isi, umufaransakazi wavukiye i Kigali Sonia Rolland yaje ku mwanya wa kane muri 50 ba mbere bazwi cyane.

Sonia Rolland ari mu bagore b’abirabura beza b’aba star ba 2012

Sonia Rolland uherutse i Kigali, aza imbere y’abandi bagore b’abirabura bazwi cyane kumurusha nka Rihanna, Halle Berry, Kelly Rowland n’abandi benshi.
Uwitonze Sonia Rolland yamenyekanye muri film nka Midnight in Paris, ndetse ariko cyane ubwo yahataniraga kuba Miss France mu mwaka wa 2000 akaza mu 10 ba mbere.
Nyina ni umunyarwandakazi Landrada naho se ni umufaransa witwa Jacques. Yashakanye na Jalil Lespert bafitanye umwana umwe Kahina Lespert.
Muri aba bagore cyangwa abakobwa birabura beza b’aba star mu 2012 uza imbere y’abandi ni Paula Patton umunyamerikakazi ukina za Film uzwi cyane muyitwa ‘mission impossible’.
Ku mwanya wa kabiri haza icyamamare Beyoncé Knowles umugore wa Jay-Z bose b’abaririmbyi.
Kumwanya wa gatatu haza Zoe Saldana umunyamerika nawe uzwi cyane muri film ya Avatar yaciye ibintu mu minsi ishize.
Ku mwanya wa kane niho haza Sonia Rolland, ku mwanya wa gatanu Naomie Harris umwongereza wamenyekanye muri film yiswe Skyfall.
Abandi bagore birabura b’aba star bari kuri uru rutonde inyuma ya Sonia twavuga nka Halle Berry (8), Melanie Fiona (10), Kerry Washington (11), Thandie Newton (14) uzwi cyane muri film ya ‘The pursuit of happyness’, Rihanna (17), Kelly Rowland (19), Nicki Minaj (30), Toni Braxton (33), Jordin Sparks (38), Vanessa Williams (40), Jennifer Hudson (43), Carmen Ejogo (47).

Paula Patton niwe mwirabura w’umu star uhiga abandi mu buranga mu 2012

Halle Berry muri film yitwa ‘Perfect stranger’

Beyonce Knowles aza ku mwanya wa kabiri

Umunyamuzika Kelly Rowland nawe aza muri ayo mabengeza y’abirabura bazwi cyane